எண்பொருள வாகச்  செலச்சொல்லித்  தான்பிறர்வாய்
நுண்பொருள் காண்ப தறிவு.

உணவின் தேவைக்காக இயற்கையில் கிடைக்கிற பொருட்களை சேகரிக்கும்போதும் சரி, உயிரின் மூல ஆதாரமாக விளங்குற விதைகளை தேடிச்செல்லும்போதும் நீங்கள் ஒன்றைப்புரிந்திருக்ககூடும். தற்சார்பென்றால் என்னவென்றே தெரியாமல் தற்சார்பில் இயங்கிக்கொண்டு இருக்கும் மனிதர்களிடமும், இந்த இயற்கையிடமும்தான் எத்தனை விதமான அறிவுகொட்டிக்கிடக்கிறதென்று. பஞ்சகவ்யா எப்படி செய்வதென்பதை நீங்கள் பயிற்சியின் மூலம் பெறலாம். அது இயற்கைவேளாண்மையை எப்படிச்செய்யலாம் என்று  தெரிந்து கொள்வதற்கான உத்திகளில் ஒன்றுதானே தவிர அதுவே முழுமையான தற்சார்பு வாழ்வியலின் அடிப்படை அல்ல. தற்சார்பை முழுமையாகப்புரிந்துகொள்ள இயற்கையையும், ஆடு மாடுகள் மேய்க்கிற கீதாரிகளைப்போன்ற எளிய மனிதர்களிடம் பழகுவதின்மூலம் மட்டுமே  சாத்தியம் வேறு வழியில்லை.